Itaque ab Idibus Ianuariis,
quod habetur tempus inter brumam et aduentum Fauonii, si maior est uineae uel
arbusti modus, quicquid ex autumno putationis superfuit, repetendum est.
...segetes
emundari, acerui uirgarum fieri, ligna denique confici, ut tum demum tepenti iam
die putatio administretur.
His
etiam diebus maturi agni et reliqui fetus pecudum nec minus maiora quadri-
pedia charactere signari debent.
Per
hosce dies locis maritimis et calidis ac siccis prata uel arua purgantur et in
faenum submittuntur.
Reliquae partes uinearum propter brumam uel frigora omissae nunc palandae et adligandae
sunt.
Trimenstruum quoque satio non est aliena huic tempori, quamuis tepidis regionibus melius administretur per
mensem
Ianuarium.
Hoc
eodem tempore stercoris pars in prata egerenda, pars oleis et ceteris arbo-
ribus inspargenda, quin etiam uinearia diligenter
facienda malleolusque quam curiosissime pangendus.
In
sitio quoque arborum atque uitium tepidis locis hoc tempore commode
administrabitur.
His
diebus commode instruuntur horti.
Igitur
a Kalendis Martiis eximia est uitium putatio usque in x Kal. Apr., si tamen se
gemmae nondum moueant.
Sartura
quoque frumentorum iteratur egregie; modios tres una opera recte sarit. prata
purgare et a pecore defendere iam tempestiuum est .Optime autem uliginosa et
pinguia loca nunc demum proscinduntur; at quae mense Ianuario ueruacta fecimus,
nunc ultima parte Martii sunt
iteranda.
Quin
etiam pecus lanatum ceteraque quadripedia tempus idoneum est castrandi.
Per
hos dies runcandae segetes sunt, faenisiciae instituendae.
Ab
Idibus usque in Kalendas Iunias ueteranam uineam, priusquam florere incipiat,
iterum fodere oportet, eandemque et ceteras omnes uineas identidem pampinare.
Quibusdam
regionibus oues nunc tondentur, et pecoris nati aut amissi ratio accipitur.
Quin
etiam pro conditione regionis et caeli terra
uel proscinditur uel iteratur, eaque, si est difficilis, proscinditur operis
tribus, iteratur duabus, tertiatur una, lirantur autem iugera duo bis opera una.
at si facilis est terra, proscinditur iugerum duabus operis, iteratur una,
lirantur una iugera quattuor, cum in subacta iam terra latiores porcae sulcantur.
Iisdem
his diebus area triturae praeparanda est; ut quaeque res desecta erit, in eam
conferatur.
Pabulum,
si facultas est, uel nunc uel etiam superioribus quindecim diebus, qui fuerunt
ante Kalendas Iunias, praeberi pecori oportet. a Kalendis autem Iuniis, si iam
defecit uiridis herba, usque in ultimum autumni frondem caesam praebebimus.
Id.
Iun. calor incipit. His
diebus eadem, quae supra
Sed
et uiciam in pabulum secare oportet, priusquam siliquae eius durentur, hordeum
metere, fabam serotinam ducere, fabam maturam conterere et paleas eius
diligenter recondere, hordeum terere paleasque omnis recondere, alueos castrare,
quos subinde nono quoque aut decimo die a Kalendis Maiis considerare et curare
oportet. nunc autem si sunt pleni atque operculati faui, demetendi sunt;
Id.
Iul. His diebus locis temperatis et maritimis messis conficitur. item quibus
magna sementis praeparatur, nunc debent iterare.
Quibusdam
autem locis, ut in Baetica, maritimis regionibus et in Africa, uindemia
conficitur.
Hoc
idem tempus est aridis uuis ficisque conficiendis, de quibus, quemadmodum passae
fiant, suo loco dicemus, cum uilicae persequemur officia.
Kal.
Sept .His diebus locis maritimis et calidis uindemia et cetera, quae supra
scripta sunt, commode administrantur.
Sed
antequam fructum cogere incipiat, cuncta praeparanda erunt superiore, si fieri
possit, mense; si minus, certe ut ante quindecim dies dolia partim picata partim
defricata et diligenter lota marina uel aqua salsa et recte siccata, tum et
opercula colaque et cetera, sine quibus probe confici mustum non potest,
torcularia uero et fora diligenter emundata lotaque et, si res ita exegerit,
picata praeparataque habeat ligna, quibus defrutum et sapam decoquat.
Tum
etiam salem atque odoramenta, quibus condire uina consueuerit ,multo ante
reposita esse oportet.
Nec
tamen haec cura totum auocet eum a cetera ruris cultura. Nam et napinae itemque
rapinae siccaneis locis per hos dies fiunt et farraginaria quoque pecori futura
per hiemem
Id.
Oct Per hos dies quaecunque semina differri debent, arbusculaeque omnis generis
recte ponuntur. ulmi quoque uitibus recte maritantur, ipsaeque uites in arbustis
et uineis commode propagantur. seminaria runcare et fodere tempus est, tum etiam
arbores ablaqueare nec minus uineas easdemque putare itemque in arbustis uitem
deputare.
Sed
cum omnia in agricultura strenue facienda sint, tum maxime sementis. uetus est
agricolarum prouerbium, maturam sationem saepe decipere solere, seram
Tum
et olea destringenda est, ex qua uelis uiride oleum efficere; quod fit optimum
ex uaria oliua, cum incipit nigrescere. nam acerbum nisi ex alba olea fieri non
debet.
Tum
etiam conuenit oleas ablaqueare et, si sunt parum fructuosae uel cacuminibus
retorridae frondis, magnis arboribus quaternos modios stercoris caprini
circumspargere, in ceteris autem pro magnitudine portionem seruare; eodem
tempore uineis ablaqueatis columbinum stercus ad singulas uites, quod sit instar
unius sextarii, uel urinae hominis congios uel alterius generis quaternos
sextarios stercoris infundere.
Pridie
Kal His diebus, qui religiosius rem rusticam colunt, nisi si uinearum causa
pastines, negant debere terram ferro commoueri.